بخُط بإيدي خط تماس
مابين قلبي وشوارعك
وأحس براحه وسط الناس
وأتوه فيكي وأرجعلك
يامصر ياجرح مفتوح
بيلئم بس براحه
ماتيجي نكمل اللعبة
 ونكدب.. بس بصراحة

انا الشقيان في ارض البور
عشان أسقي حشيش ارضِك
وأنا اللي بزرع ضلامك نور
وخدام اللي صان عرضِك
وانا اللي بكتب غيابي حضور
وضيف معزوم على شرفِك
انا العاشق لحد ما اموت
انا المبعوت
لأخر نقطة في رحابك
و انا الكلمة اللي مكتوبه
في أخر صفحة في كتابك
وانا حضورك وأنا غيابك
وانا الواقف سنين بالطول
بيمسح دمعو على بابك
لا انا جاحد ولا مغرور
أنا اللي اندبح حسي
أنا واقف لوحدي طابور
 وبرضو اللي دخل "ميسي" !