مش موافق

انا مش موافق ان الشعر حاله!
ان الكلام والآلام والوئام
يبقى في لحظة لنسجام
إرتجاله .!
 إستحاله!

الشعر ياساده
زي العباده
زي شربات الفرح
زي حبات السبح
زي صرخة أم
 لحظة ولادة .

الشعر ثورة على الكلام
فوران يخلي فرحتك
يوم مولدك
زي الدمار اللي تخلفه
 لحظة إباده.

الشعر حاله
وانا اللي عشقي لكدبتي خلاني شاعر
بموت وأغير وجهتي من غير أوامر
ولما يزداد الحنين
ماعرف منين !
 بعود وارتجل من جديد كل المشاعر.