نص الكوبايه المليان
بيمسي عالنص الفاضي
ويقوله أنا تحتك غرقان
وبلاش نتكلم ف الماضي
بيمسي عالنص الفاضي
ويقوله أنا تحتك غرقان
وبلاش نتكلم ف الماضي
والماضي ده كان كله جراح
وعصام قاري فاتحه ع صباح
وصباح مكتئبه من العيشه
خست وبقت وزن الريشه
وعصام قاري فاتحه ع صباح
وصباح مكتئبه من العيشه
خست وبقت وزن الريشه
والريشه على راس الأوباش
عاش كل اللي ظالمنا ..عاش
ونموت علشان غيرنا يعيش
وليحيا العدل بين المهابيش
عاش كل اللي ظالمنا ..عاش
ونموت علشان غيرنا يعيش
وليحيا العدل بين المهابيش
والعدل وزارة في لاظوغلي
والمجلس جارها الباب ف الباب
وعشان ماتطبق قوانينها
لازم ينطخ النواب .
والمجلس جارها الباب ف الباب
وعشان ماتطبق قوانينها
لازم ينطخ النواب .
وصباح خياطه ف شبرا الخيمه
عاشقه وغلبانه والنبي
بتحوش لجل تزيح الغيمه
وتعزل من " أثر النبي "
عاشقه وغلبانه والنبي
بتحوش لجل تزيح الغيمه
وتعزل من " أثر النبي "
وعصام سواق على باب الله
إتلموا عليه الحراميه
راح منه في لحظه ياحول الله
قرشين تحويشة السعوديه
إتلموا عليه الحراميه
راح منه في لحظه ياحول الله
قرشين تحويشة السعوديه
وأنا زي الكل بدون تمييز
زهقان وهقول وهعيد تاني
لو كل الغالي هيبقى رخيص
أنا عايز أعيش ف زمن تاني
زهقان وهقول وهعيد تاني
لو كل الغالي هيبقى رخيص
أنا عايز أعيش ف زمن تاني
وكتبت كتابي بدون مأذون
على وردة الحب الصافي
قضينا حياتنا شكوك وظنون
وأغاني لوديع الصافي
على وردة الحب الصافي
قضينا حياتنا شكوك وظنون
وأغاني لوديع الصافي
عظيمه يامصر يا أرض اللوا
ياكل اللي فاضل في عمر السنين
هشمر هدومي وأعلق لوا
وأطيح ف اللي ماشي وأبطل حنين
ياكل اللي فاضل في عمر السنين
هشمر هدومي وأعلق لوا
وأطيح ف اللي ماشي وأبطل حنين
والحنين ده طبعه غالب
يخلي جوه القسوه لين
بيملى م الأشواق زكايب
ويبصر الأيام سنيين
يخلي جوه القسوه لين
بيملى م الأشواق زكايب
ويبصر الأيام سنيين
ياحبيبي عود لي تاني
وهات معاك لب وسوداني
رجع الماضي في ثواني
حرر القلب السجين
وهات معاك لب وسوداني
رجع الماضي في ثواني
حرر القلب السجين
طول ما في "شمس الأصيل"
بتدهب خوص جوه نيلك
مهما كان الليل رزيل
هيطلع الصبح وهجيلك.
بتدهب خوص جوه نيلك
مهما كان الليل رزيل
هيطلع الصبح وهجيلك.